Një shtetas i Shqipërisë është arrestuar të shtunën në pikën kufitare në Vërmicë, nën dyshimin për dhënie ryshfeti.
Sipas Policisë, i dyshuari, gjatë legjitimimit të dokumenteve, i ka ofruar një kartëmonedhë prej 1000 lekësh shqiptare zyrtarit policor dhe një kartëmonedhë prej 10 euro doganierit.
Me urdhër të prokurorit, pas inicimit të rastit, i dyshuari është dërguar në mbajtje.
“Është arrestuar i dyshuari mashkull shtetas i Shqipërisë për shkak se i njëjti gjatë legjitimimit të dokumenteve i ka ofruar zyrtarit policor një kartëmonedhë 1000 lekë shqiptare dhe doganierit një kartëmonedhë 10 €. Me urdhër të prokurorit i dyshuari pas inicimit të rastit është dërguar në mbajtje”, bëhet e ditur në raportin e Policisë./teve1.info/
