Forca e Sigurisë së Kosovës ka bërë të ditur se nëntoger Endi Sherifi ka përfunduar me sukses një nga trajnimet më të avancuara të këmbësorisë në Ushtrisë Britanike, kursin PCBC (Platoon Commander Battle Course), i mbajtur në Brecon, Uells, në Mbretëria e Bashkuar.
Sipas njoftimit të FSK-së, gjatë këtij trajnimi intensiv ai ka dëshmuar përkushtim të lartë, profesionalizëm dhe aftësi të spikatura në udhëheqje.
Për performancën e tij, Sherifi është nderuar me një Mirënjohje të Veçantë nga Komandanti i Shkollës së Këmbësorisë, çmim që iu dorëzua nga Carl Boswell, Shef i Shtabit të Forcave Tokësore.
Në reagimin e saj, FSK ka theksuar se ndihet krenare për sukseset e pjesëtarëve të saj, të cilët vazhdojnë të përfaqësojnë Kosovën me dinjitet në arenën ndërkombëtare dhe të rrisin standardet profesionale të forcës.
