E ardhmja mund ta gjejë krejtësisht diku tjetër. Pas gjendjes së krijuar brenda Prishtinës, klubi mund ta humbas edhe një talent tjetër.
Fjala është për sulmuesin Albin Prapashtica që po monitorohet nga shumë klube, disa nga ato vendore, e të tjerat nga rajoni. Sulmuesi 20-vjeçar, po dëshirohet nga skuadrat e Superiore te Shqipërisë, por edhe nga kampionati elitar i Maqedonisë së Veriut.
Tëvë1 nga burime të sigurta të afërta me lojtarin, ka mësuar për kërkesën e shumëta të ekipeve, por që emrat do të mbetën anonim shkak i korrektësisë që të afërmit e lojtarit kanë kërkuar, deri në momentin e një marrëveshje të futbollistit me njërën nga ato skuadrat.
Prapashtica në sezonin e parë ka qenë pjesë e Vëllaznimit, duke qenë njëri nga akterët kyç në ngjitjen e skuadrës në krye të Ligës, mirëpo gjendja financiare që u shkaktua në ekipin gjakovar, bëri që sulmuesi të kthehet te Prishtina.
20-vjeçari ka një kontratë që e mbanë atë te Prishtina deri në vitin 2023, por që gjendja e tanishme mund të ndajë lehtë rrugët me ekipin kryeqytetas, dhe një ofertë e kënaqshme mund ta “tund” edhe klubin bardhe e kaltër për lirimin e futbollistit. /Tëvë1/
