Hans Henri Kluge, drejtori i Organizatës Botërore të Shëndetësisë për Evropën, ka paralajmëruar se rreth 26 milionë njerëz kanë nevojë për ndihmë në Turqi dhe Siri.
Ai shtoi se nevojat e të prekurve nga tërmetet janë “të mëdha” dhe “rriten nga ora në orë”.
“Rreth 26 milionë njerëz në të dy vendet kanë nevojë për ndihmë humanitare”, tha Kluge.
Ai ka treguar se ekzistojnë shqetësime në rritje për çështjet e reja shëndetësore të lidhura me motin e ftohtë, higjienën dhe kanalizimet, dhe përhapjen e sëmundjeve infektive-me njerëzit e cenueshëm veçanërisht në rrezik.
Sky News, ka raportuar se Save the Children Ineternacional paralajmëroi se fëmijët duket se tashmë po sëmuren me sëmundje të dyshuara të shkaktuara nga uji.
