Është përfunduar procesi i numërimit të votave në Komunën e Obiliqit, ku rezultati tregon një garë të ngushtë mes dy kandidatëve kryesorë.
Sipas të dhënave zyrtare të publikuara nga Komisioni Qendror i Zgjedhjeve (KQZ), pas numërimit të 100% të votave, rezultatet janë si më poshtë:
Xhafer Gashi nga Lidhja Demokratike e Kosovës (LDK) ka marrë 46.47% të votave;
Halil Thaçi nga Lëvizja Vetëvendosje (LVV) ka marrë 44.04% të votave.
Meqë asnjëri nga kandidatët nuk e ka kaluar pragun prej 50% + 1 të votave të vlefshme, Obiliqi do të shkojë në balotazh, ku do të përballen dy kandidatët me më së shumti vota: Gashi dhe Thaçi.
KQZ-ja ka bërë të ditur se numërimi është përmbyllur në të gjitha qendrat e votimit dhe të dhënat janë preliminare, në pritje të certifikimit zyrtar.
