Fillimisht gjatë mbledhjes së kuvendit u propozuan kandidatët për kryetarë të kuvendit të OAK-ut, kryetarë të bordit të OAK-ut dhe anëtarët e bordit.
Anëtarët e kuvendit zgjedhor të Odës së Afarizmit pas votimit unanimisht kanë vendosur, që anëtari i bordit Hamdi Malushaj të zgjidhet kryetar i ri i kuvendit të OAK-ut.
Oda e Afarizmit të Kosovës po ashtu ka zgjedhur edhe kryetarin e ri të bordit i cili njëkohësisht është edhe kryetar i OAK-ut.
Skënder Krasniqi u rizgjodh për një mandat të dytë si kryetar i Odës së Afarizmit, me vota unanime nga anëtarët e kuvendit.
Me rastin e rizgjedhjes Krasniqi ka shprehur kënaqësi dhe falënderim për besimin që i është dhënë nga anëtarët e OAK-ut, për një mandat të dytë.
Krasniqi gjithashtu ka kërkuar nga anëtarët e OAK-ut dhe bizneset e tjera që së bashku ta ndihmojnë në adresimin e çështjeve që janë në interes të bizneseve, sepse vetëm në këtë mënyrë do të përmirësohej infrastruktura e të bërit biznes, duke marr parasysh sfidat dhe ndryshimet e vazhdueshme të qeverive dhe nevojën për një reagim më urgjent, në të mirë të bizneseve.
Gjatë mbledhjes së këtij kuvendi u zgjodh edhe bordi i OAK-ut, si më poshtë:
Skënder Krasniqi (kryetar i bordit dhe anëtar), Hamdi Malushaj, Arsim Selmonmusaj, Hasan Gigollaj dhe Diamant Elshani u rizgjodhën si anëtarë të bordit të ri të OAK-ut edhe për një mandat.
Ndërsa Idriz Zejnullahu, Arben Gashi, Shyqri Bytyqi dhe Mentor Sahiti në mënyrë unanime u zgjodhën anëtar të rinj të bordit, duke kompletuar kështu edhe bordin e drejtorëve të OAK-ut me gjithsej 9 persona.
