Rreth 15 nxënës të fshatit Letnicë të Vitisë, kanë ndërprerë mësimin për shkak se nuk u është siguruar transporti për të vijuar mësimin në një fshat tjetër të kësaj komune. Nxënësit kërkuan që t’u realizohet kjo kërkesë, e prindërit thonë se janë obliguar të paguajnë taksi privat. E nga Komuna thonë se faji për këtë qëndron tek procedurat e prokurimit publik.
Me këtë gëzim dalin çdo ditë shtëpia.
Këta nxënës kanë vetëm një shpresë, të i’u vijë transporti që i dërgon në shkollë nga fshati Letnicë për në fshatin Stubëll të komunës së Vitisë.
Por, në klasë që nga 1 shtatori shkuan vetëm tri herë duke ecur këmbë rreth 13 kilometra.
Pasi, rreth 15 nxënës nuk po kanë mjet transporti.
Për këtë, këta të fundit kërkojnë t’u bëhet një zgjidhje sa më parë në mënyrë që të mos humbin më shumë mësimin.
E për shkak të pamundësisë së sigurimit te transportit publik, prindërit po detyrohen t’i dërgojnë fëmijët përmes taksive private që thonë se po u shkaktojnë telashe financiare.
Kurse Florie Limani thotë se në pamundësi t’ua paguajë dy fëmijëve transportin privat, u detyrua që te njëjtit t’i ndalë nga vijimi i mësimit.
Edhe gjyshi i njërit nga këta nxënës thotë se është ndjenjë e vështirë që fëmijët e tyre ndërprenë procesin mësimor.
Për këtë çështje tëvë1 kërkoi sqarime nga Komuna e Vitisë.
Drejtoresha e Arsimit thotë se deri te kjo ka ardhur si pasojë e procedurave të tenderimit.
Banorët thanë se janë të gatshëm që ta kryejnë transportin e këtyre nxënëseve por që u duhet siguruar një mjet nga institucionet.
Autor: Lindrit Zejnullahu
