Kandidati për deputet nga Partia Socialdemokrate, Nol Nushi ka folur për kritikat që po i bëhen se fokusi i tyre është përqendruar në kritika ndaj opozitës e më pak ndaj pushtetit.
Nushi ka thënë se gjatë 5 viteve të Qeverisë Kurti ata kanë qenë aktiv me aksione e konferenca për shtyp.
Ai ka thënë se kanë realizuar 150 aksione simbolike, duke kujtuar edhe protestën par Zyrës së Rregullatorit të Energjisë Elektrike, kundër shtrenjtimit të rrymës.
Nushi në emisionin “Këndi i Debatit”, ka thënë se paritë opozitare për në rastin më të mirë kanë mbajtur konferencë për media.
“150 aksione simbolike ndaj Qeverisë së Kosovës, konferenca për shtyp mijëra prononcime. Aktiviteti jonë ndaj Qeverisë kanë qenë i vazhdueshëm, shpesh i drejtë, shpesh me vet mohim, përderisa kjo opozita jonë parlamentare ka bërë ndonjë konferencë për shtyp. Kallëzime penale, kemi dorëzuar dhe zyrtarë të ministrisë për ambalazhuesit e ujit janë në burg nga kallëzimi jonë penal”, ka thënë Nushi.
Ai për kritikat ndaj tyre, ka thënë se Partia Demokratike e Kosovës dhe Lidhja Demokratike e Kosovës, po i lënë përshtypjen se ata do të bëjnë thirrje që të votohen këto dy parti.
“Çka po me çudit, është se kishin prit me gjasë PDK-ja e LDK-ja që kur të garon PSD-ja votoni PDK-në e LDK-në. Ne jemi në garë këtu, parti të ndryshme me koncepte tona. Ne po garojmë me ndryshua Kuvendin, sepse ne nuk presim që ka me ndryshua Qeveria, jemi shumë të sinqertë në këtë pjesë. Ne po futemi në mendjen tonë, trupin tonë që me dinamizu, me ngjall Kuvendin, që unë besoj që është në vdekje klinike”, ka thënë Nushi.
Ai ka thënë se PSD është e vetmja parti risi në këto zgjedhje.
