Nushi thotë se shqetësim i tyre është qasja e përgjithshme e Kurtit karshi dialogut me Serbinë.
“Ai në vend se me tërë fuqinë politike që e ka, që kurrë asnjë kryeministër nuk ka pas kaq shumë fuqi politike, të tentoj që kompromisi në dialog të jetë një kompromis i llojit të tjetër dhe i përhershëm, do të thotë të bëhet një zgjidhje e përgjithshme me Serbinë”, tha ai në “Info Nata” në Tëvë 1.
Ai tregoi hapat që duhet të ndërmarrë kryeministri Kurti në dialog.
“Duhet të koordinohej gjithë shoqëria jonë, gjithë spektri jonë edhe politik, edhe shoqëror, në mënyrë që së pari tu themi qytetarëve që dialogu do të jetë, duhet të kërkojë falje për gjitha gënjeshtrat para se të vie në Qeveri, ku ka thënë se nuk ka dialog pa kushte, njëherë ka thënë që nuk dialog hiq…është prioritet i gjashtë, i shtatë, ndërsa sot po e dimë se gati dy muaj u bën dhe ne veç për dialog flasim, përderisa çmimet po vazhdojnë me u rrit, kriza energjetike është në prag. Për të gjithë këtë manipulim të opinionit, Kurti po të ishte kryeministër i vërtetë i qytetarëve, e jo kryeministër veç i pushtetit të tij, kish pas një qasje komplet tjetër”, shtoi ai.
Nushi potencoi se fuqia më e madhe politike e Kurtit do duhej të ishte “një shanc që dialogu i Kosovës dhe Serbisë të përfundojë me një njohje të ndërsjellë”. /Teve1.info/
