I ftuar në “Info Nata” në Tëvë 1, Nushi thotë se Kurti nuk duhet të shkojë në dialog pasi që ky i fundit kishte deklaruar se ka kushte për në dialog.
“Pse po vazhdon dialogu? Kurti ka thënë unë kam kushte për dialog, asnjë kusht spo pranohet pse po vazhdohet dialogu? Pse me shku në një dialog që ai nuk beson mos të shkojë nëse ai dialog s’është ky që po e kërkon pse po shkon se ky po donë me dal edhe ai që po i mban parimet edhe ai që po e bën dialogun por e njëjta retorikë spo i funksionon”, tha ai.
Tutje, ai u shpreh se Kurti do ta respektojë edhe marrëveshjen për formimin e Asociacionit të Komunave me Shumicë Serbe.
Sipas tij, shkëmbimi i territoreve do të ishte kompromisi për një marrëveshje me Serbinë më i mirë se pranimi i Asociacionit./teve1.info/
