Nushi tha se hedhja e gazit nga Konjufca në Kuvend në atë kohë kanë qenë publike. Ai tha se beson që tashmë ato veprime do të kalojnë në proces të rregullt gjyqësor dhe të përfundojë siç kanë përfunduar rastet tjera.
“Nuk kam çfarë të komentoj, veprat kanë qenë publike, përgjegjësia po ashtu ka qenë publike e marrur drejtë për drejtë nga subjekti, dhe besoj që tashmë ato kalojnë në proces të rregullt gjyqësor dhe përfundojnë si kanë përfunduar të gjitha aktakuzat të këtij lloji, apo të këtij rasti”, u shpreh ai.
Ndërsa, për aktakuzën e ngritur ndaj Konjufcës, ai u shpreh se këtu nuk ka të bëjë me ndonjë keqpërdorim, por sipas tij, ai do të mbajë përgjegjësinë penale që i takon.
“Për faktin që tashmë Glauk Konjufca është në një pozitë shtetërore po që ka një aktakuzë për këtë, aktakuzë mund të kesh edhe për ndonjë shkelje në trafik, sepse aty nuk ka të bëjë me ndonjë keqpërdorim, praktikisht ka qenë mjet proteste dhe parandalimi i marrëveshjeve të dëmshme në atë kohë. Asociacioni i komunave me shumicë serbe, dhe sigurisht që para kësaj do ta mbajë përgjegjësinë penale që i takon, qoftë duke u dënuar ose jo”. deklaroi Nushi.