Anëtari i Partisë Demokratike të Kosovës, Adri Nurellari ka thënë se kriza institucionale është rezultat i sjelljes së Albin Kurtit.
Nurellari ka thënë se Kurti nuk la aleatë afër vetes. Sipas tij, dalja nga kjo situatë janë zgjedhjet e reja ku qytetarët do ta japin vendimin e tyre.
“PDK do të jap përgjigje edhe ftesës së Presidentes, por nuk shikojë të ketë një rrugëdalje tjetër përveç se zgjedhje të parakohshme në opinion tim personal. Mendoj që pas 8 muajsh zvarritje dhe poshtërimi që i është bërë institucionit më të rëndësishëm që është parlamenti, mbi 50 seanca me ato sjellje anti-institucionale, mendoj që ai kompozim parlamentar e ka delegjetimuar veten dhe ka ardhur momenti të vej verdikti te populli prapë”, ka thënë ai në emisionin “Ditari” në Tëvë1.
Nurellari ka thënë se PDK do të ketë rezultat më të mirë se ai në zgjedhjet e 9 shkurtit pas zgjedhjeve të jashtëzakonshme që pritet të mbahen.
Për krizën institucionale, presidentja Osmani ka paralajmëruar takim me partitë politike. Siç është bërë e ditur presidentja në këtë takim do të kërkojë “kompromis politik”.
