Këto deklarata ai i bëri teksa komentoi planin franko-gjerman sa i përket marrëveshjes finales mes Kosovës dhe Serbisë.
“Unë nuk shikoj ndonjë dobi të madhe nga një marrëveshje që nuk sjellë njohje për shumë arsye se është i bie një marrëveshje për një marrëveshje tjetër. Në fund të fundit duhet kujtuar që kemi të kaluar të negociimit në Vjenë ku ishte negociimi i Kosovës bënte koncesione dhe akomodonte interesat e serbëve duke pasur parakusht që po siguronte njohjen e Serbisë dhe në moment të fundit Serbia dhe Rusia u larguan nga negociatat dhe Kosova shpalli pavarësinë dhe pranoi të njëjtin çmim edhe pse nuk mori atë që priste për të cilin negocioi”, tha ai.
I ftuar në emisionin “Respublika” në tëvë1, ai shtoi se një marrëveshje e tillë që nuk siguron njohjen reciproke, është një “Ahtisari plus” – pakoja përmes së cilës shteti i Kosovës shpalli pavarësinë e saj.
“Kështu që një marrëveshje e re që nuk siguron njohjen duket një ‘Ahtisari plus’, nuk i di detajet padyshim se status-quo është e padurusheme. E kam të vështirë të kuptojë ku Serbia është më e dobët të kemi një ofertë më të pafavorshme për Kosovën sesa që kishim ta zëmë para pak vitesh kur flitej për korrigjim kufijsh”, shtoi ai./teve1.info/
