Këto deklarata ai i bëri në emisionin “Respublika” në tëvë1, kur u pyet se a do të kërkojë Partia Demokratike e Kosovës në takim me Kurtin të martën që të pranohet kërkesa për shtyrjen e afatit për konvertimin e targave.
Sipas tij, shteti i Kosovës është i obliguar moralisht që t’i respektojë partnerët ndërkombëtarë, sepse roli i tyre ishte vendimtar në çdo hap të historisë së vendit.
“E para më e rëndësishmja dhe në gjithë këtë situatë është që të mos largohemi nga dialogu nga negociimi si e vetmja rrugë për zgjidhjen e problemet me demosntrim force nuk zgjidhet gjë. Së dyti duhet kuptuar se kemi obligime të marra përsipër ndaj partnerëve sepe jemi shtet serioz dhe në këtë aspekt obligimet e marra qoftë për të çuar përpara dialogun qoftë edhe për të përmbushur zotimet tona që do ta zgjidhin çështjen njëherë e mirë përmes dialogut”, tha ai.
Madje, ai thotë se nuk duhet dhënë përshtypja faktorit ndërkombëtar se Kosova është shpërfillëse dhe mosmirënjohëse ndaj tyre.
“Së treti jemi shtet si pak shtete tjera kemi edhe nevojë edhe borxh për të respektuar partnerët ndërkombëtar, roli i tyre ka qenë vendimtar në çdo hap të historisë së Kosovës dhe do të kuptojmë që ne nuk mund të sillemi shpërfillës dhe kjo është çështje edhe te morali. Më e keqja që mund të ndodhë për shoqërinë si e jona e cila ka pasur një solidaritet të jashtëzakonshëm në kohët më vështira të saj ishte që tregohet shpërfillëse, mosmirënjohëse ndaj partnerëve. Mendoj se duhet të mos lihet më e vogla përshtypje që po ndodhë kjo gjë pra do duhej që Qeveria ta rivendosi dhe çimentojë marrëdhëniet me partnerët ndërkombëtarë”, tha ai.
Sa i përket shtyrjes së afatit për targa, Nurellari thotë se duhet dëgjuar ndërkombëtarët për këtë dhe është çështje që pret, teksa shton se nuk mund që për këtë të prishen raportet.
“Në këtë aspekt nëse aleatët shikojnë një hapësirë për të zgjidhur një problem, një rrethanë gjeopolitike të favorshme për ta mbyllë një herë e mirë këtë çështje, për ta mbyllë një herë e mirë me një marrëveshje gjithpërfshirëse që e garanton njohjen pikërisht se Serbia është e dobët ngase se ka prapa Rusinë atëherë duhet t’i dëgjojmë nuk i kushtonë gjë, pse duhet sakrifikuar një raport për targat që presin”, shtoi ai.
Kurse, lidhur me formimin e Asociacionit të komunave me shumicë serbe, kryeministri nuk do ta pranojë një gjë të tillë për shkak se nuk e ka nënshkruar këtë marrëveshje.
“Përveç thashethemeve në media nuk kemi një marrëveshje publike dhe nuk është ndarë me të tjerët dhe në mënyrë të arsyeshme Kurti nuk do të pranojë asnjë gjë për sa kohë se ka nënshkruar marrëveshjen sepse siç e shpjegova edhe një herë logjika dialogut është: nuk merremi vesh për asgjë nëse s’jemi marrë vesh për gjithçka”, shtoi ai./teve1.info/.
