Përveç serbëve në mesin e tyre ka edhe shqiptarë.
Për zbardhjen e drejtësisë problematike po shihet numri i vogël i prokurorëve të cilët po hetojnë këto raste.
E një ditë pas përvjetorit të masakrës së Izbicës, Prokuroria Speciale ka ngritur aktakuzë ndajë Muhamet Alidemajt.
Kjo Prokurori pas hetimeve 12 mujore ka vërtetuar se Alidemaj së bashku me persona ende të pa identifikuar të forcave policore dhe ushtarake serbe, ka marr pjesë në ekzekutimin e 130 personave, prej të cilëve 12 kanë mbijetuar.
Këtë veprim të prokurorisë speciale po e sheh si popullist drejtori i Institutit të Kosovës për Drejtësi, Ehat Miftaraj.
“Prokuroria Speciale po bënë politikë me krimet e luftës në përvjetorin e maskrasës së Izbicës u ngrite aktakuzë , kjo në një farë mënyre është popullizem, pra jo vetëm politika por edhe Prokuroria Speciale, kjo i shtohet faktit që Maskara e Izbices është një ndër masakrat më të mëdha dhe po akuzohet vetëm një person”, tha ai.
Derisa numri i prokurorëve që po hetojnë krimet e luftës në Kosovë mbetet i ulët.
Për të zbardhur drejtësisë, Miftaraj kërkon që numri i tyre të rritet.
“Për vetë faktin që janë tre apo katër prokurore aktual që punojnë për krime të luftës tregon se sa është vullneti i institucioneve të Kosovë më i trajtu krimet e luftës. Nëse flasim për së paku 12 mijë të vrarë për 10 masakra, atëherë se paku për secilën masakër një grup i prokurorëve të cilët do ta merrnin me seriozitet hetimin e këtyre lendeve”, tha Miftaraj.
Në mesin e këtyre rasteve që po trajtohen nga prokurorët specialë të dyshuar ka kosovarë e serbë.
Por ani pse në Kosovë llogariten mbi 13 mijë persona të vrarë vetëm 71 persona janë dënuar për krimet e bëra.
“Në tirbunalin e Hagës, prej tetë personave që janë dënuar kanë qenë serbe ndërsa dy shqiptare, kur bëhet fjalë për serbet ata kanë qenë zyrtarët më të lartë qoftë ushtarak qoftë politikë të Serbisë dhe Jugosllavisë, në Serbi janë dënu me aktgjykim të plotëfuqishm 15 persona ku shumica janë serbe, ndërsa në gjykatat e Kosovës shumica e të dënuarëve kanë qenë shqiptare”, thotë Bekim Blakaj nga Fondi për të Drejtat Humanitare.
Kronika e realizuar nga Doresa Geci
