Paris Saint-Germain ka marrë një lajm shqetësues në prag të rifillimit të kampionatit pas pauzës ndërkombëtare.
Mbrojtësi dhe kapiteni i skuadrës, Marquinhos, do të mungojë për një periudhë më të gjatë se sa ishte parashikuar fillimisht.
Sipas raportimeve të L’Equipe, braziliani 31-vjeçar ka pësuar një dëmtim në kuadriceps, dhe ekzaminimet e fundit mjekësore kanë zbuluar se lëndimi është më serioz nga sa mendohej në fillim.
Aktualisht, nuk ka një afat të saktë për rikthimin e tij në fushë, çka e bën situatën edhe më shqetësuese për trajnerin Luis Enrique.
Si rrjedhojë, tekniku spanjoll do të duhet të bëjë pa kapitenin e tij në ndeshjen e fundjavës ndaj RC Strasbourg, e vlefshme për javën e tetë të Ligue 1.
Këtë sezon, Marquinhos ka zhvilluar katër ndeshje dhe ka shënuar një gol, duke qenë një prej lojtarëve kyç në repartin defensivë.
Mungesa e tij do të jetë një goditje e madhe për mbrojtjen parisiene, e cila tashmë duhet të gjejë zgjidhje alternative për të ruajtur stabilitetin dhe vrullin pas pushimit ndërkombëtar.
