Numri i të vdekurve nga tërmeti shkatërrues që goditi Turqinë dhe Sirinë të hënën është tani të paktën 17 mijë e 176, sipas autoriteteve, raporton CNN.
Në Turqi, numri i të vdekurve është rritur në të paktën 14,014, tha presidenti turk Rexhep Tajip Erdogan, të enjten ndërsa vizitoi zonat e prekura në qytetin jugor të Gaziantepit.
Numri i përgjithshëm i vdekjeve në Siri është të paktën 3,162, duke përfshirë 1,900 në zonat e kontrolluara nga rebelët në veriperëndim sipas grupit të mbrojtjes civile ‘Helmetat e Bardha’, dhe 1,262 vdekje në pjesët e kontrolluara nga qeveria të Sirisë, sipas medias shtetërore siriane.
Dhjetëra mijëra të tjerë janë raportuar të plagosur në të dy vendet, ndërsa punonjësit e shpëtimit luftojnë për të gjetur të mbijetuarit në rrënojat e ndërtesave të rrëzuara mes një shpërthimi të ftohtë dimëror.
