Numri i të vdekurve nga tërmetet e fuqishme që goditën Turqinë jugore muajin e kaluar është rritur në 48,448, tha të hënën ministri i brendshëm i vendit.
Ministri i brendshëm ka bërë të ditur se 6,660 nga të vdekurit ishin shtetas të huaj dhe shumica e tyre ishin nga Siria.
Sipas Anadolu Agency, puna për heqjen e mbeturinave vazhdon, ka thënë Soylu duke shtuar se 10,000 nga gjithsej 56,000 ndërtesa të dëmtuara tani janë shkatërruar dhe mbeturinat e tyre janë hequr, transmeton teve1.info.
Turqia vazhdon të plotësojë nevojat për strehim për viktimat e tërmetit, tha ministri.
Ai tha se 21,000 kontejnerë janë vendosur tashmë dhe gjithsej 85,000 njerëz jetojnë atje, duke shtuar se vendi planifikon të vendosë 115,585 kontejnerë në rajonin e goditur nga tërmeti.
Më 6 shkurt, tërmetet me magnitudë 7.7 dhe 7.6 goditën 11 provinca – Adana, Adiyaman, Diyarbakir, Elazig, Hatay, Gaziantep, Kahramanmaras, Kilis, Malatya, Osmaniye dhe Sanliurfa.
Më shumë se 13.5 milionë njerëz në Turqi janë prekur nga tërmetet shkatërruese, si dhe shumë të tjerë në Sirinë veriore.
