Numri i të vdekurve në Turqi dhe Siri është rritur në të paktën 1,824 pas një tërmeti të fuqishëm me magnitudë 7.8 ballë që tronditi Turqinë jugore dhe Sirinë veriore.
Në Siri, gjithsej të paktën 430 njerëz kanë vdekur, kryesisht në rajonet e Aleppo, Hama, Latakia dhe Tartus, sipas agjencisë shtetërore siriane të lajmeve SANA, e cila gjithashtu raportoi 1,284 të plagosur, raporton CNN, transmeton teve1.info
Ndërkohë, grupi “Helmetat e Bardha”, i njohur zyrtarisht si Mbrojtja Civile e Sirisë, raportoi gjithashtu të paktën 380 të vdekur dhe 1000 të plagosur në zonat e kontrolluara nga opozita në veriperëndim të Sirisë.
Sipas Agjencisë së Menaxhimit të Fatkeqësive dhe Emergjencave të Turqisë (AFAD), të paktën 1,014 persona kanë vdekur dhe 7,003 persona janë lënduar pas tërmetit në Turqi.
