Procesi i numërimit të votave me postë po vazhdon, ndërsa deri më tani janë procesuar mbi 80 për qind e vendvotimeve.
Sipas të dhënave të publikuara, janë numëruar votat nga 186 prej gjithsej 223 vendvotimeve, që përbëjnë rreth 83 për qind të totalit.
Rezultatet e deritanishme tregojnë se Lëvizja Vetëvendosje vazhdon të kryesojë bindshëm me 48 mijë e 988 vota, apo 72.42 për qind të votave të numëruara deri më tani.
Në vendin e dytë renditet Lidhja Demokratike e Kosovës me 8 mijë e 484 vota, që përfaqësojnë 12.54 për qind.
Partia Demokratike e Kosovës mban pozitën e tretë me 5 mijë e 398 vota apo 7.98 për qind, ndërsa Aleanca për Ardhmërinë e Kosovës ka marrë 2 mijë e 938 vota, përkatësisht 4.34 për qind.
Numërimi i pjesës së mbetur të votave me postë pritet të vazhdojë edhe gjatë orëve në vijim, ndërsa rezultatet përfundimtare do të bëhen të ditura pas përfundimit të procesit në të gjitha vendvotimet.
