Mbi 50 për qind të votave janë numëruar deri më tani në Turqi në balotazhin që është mbajtur në mes të presidenti aktual, Rexhep Tajip Erdogan dhe Kemal Kilicdaroglu.
Nga këto vota të numëruara është duke prirë presidenti aktual me 15,034,921 vota ose 55.805, ndërsa kundërshtari i tij Kilicdaroglu me 11,910,058 ose 44.20%.
Siç raportohet Erdogan është duke prirë në 54 provinca, ndërsa Kilicdaroglu në 28.
Sipas medieve turke më shumë se 64.1 milionë njerëz janë regjistruar për të votuar, duke përfshirë mbi 1.92 milionë të cilët tashmë kanë votuar në qendrat e votimit jashtë shtetit.
Në raundin e parë Erdogan doli i pari, por nuk arriti të marrë mbi 50% të votave.
Sondazhet e fundit e kanë nxjerrë në epërsi presidentin aktual, ndaj kandidatit opozitar Kemal Kilicdaroglu.
