Në 35 prej 38 komunave të Kosovës ka përfunduar procesi i numërimit dhe verifikimit të votave në qendrat komunale të numërimit.
Komisioni Qendror i Zgjedhjeve njoftoi të premten se procesi nuk është përmbyllur në vetëm tri qendra numërimi – Gjilan, Prizren dhe Prishtinë.
Deri të premten, numri i përgjithshëm i vendvotimeve të procesuara dhe që i takojnë të gjitha QKN-ve (38) është 2,349 nga 2,498 vendvotime apo 94.04%.
“Procesi i numërimit dhe verifikimit nuk është përmbyllur ende në 3 QKN-të tjera: Gjilan (112/127); Prizren (202/232); dhe Prishtinë (158/262)”, thuhet në njoftim.
