Renditja botërore e tenisit ka pësuar ndryshime teksa tashmë numri një në botë nuk është më Novak Djokovic. Tenisti serb është penalizuar nga rezultatet e fundit ndërsa dështoi të triumfonte edhe në Roland Garros, e në këtë formë ka humbur kryesimin duke u renditur tashmë i tretë. Ndërkohë, vendi i parë ka kaluar në pronësinë e Daniil Medvedev.
Rusi ia ka dalë të renditet mbi Alexander Zverev që mban vendin e dytë, ndërsa fituesi dhe rekordmeni i Roland Garros, Rafael Nadal është ngjitur në vendin e katërt.
Ndërkaq, për herë të parë nga viti 2003, një nga katër emrat “big” të tenisiti si Federer, Djokovic, Murray dhe Nadal, nuk renditen në njërin prej dy vendeve të para ndërsa tashmë të katërt kanë përfunduar jashtë podiumi. Ndërkohë, pesëshen e parë e mbyll Casper Ruud që ka lënë pas grekun Tsitsipas.
