Të paktën 28 trupa u tërhoqën nga ujërat e akullta të lumit Potomac pasi një avion i American Airlines me 60 pasagjerë dhe katër anëtarë të ekuipazhit u përplas me një helikopter të ushtrisë gjatë uljes në Aeroportin Kombëtar Ronald Reagan pranë Uashington DC, thanë zyrtarët të enjten.
Ekuipazhet ishin ende në kërkim të viktimave të tjera, por nuk besonin se kishte ndonjë të mbijetuar, gjë që do ta bënte atë përplasjen ajrore më vdekjeprurëse të SHBA në gati 24 vjet.
Pasagjerët në fluturim përfshinin një grup patinazhistësh, trajnerë të tyre dhe anëtarë të familjes që po ktheheshin nga një kamp zhvillimi që pasoi Kampionatin e SHBA-së të patinazhit artistik në Wichita. Përveç tyre në aeroplan kishte edhe patinazhistë ruse.
Trupi i avionit u gjet me kokë poshtë në tre seksione në ujë deri në belin. U gjetën edhe rrënojat e helikopterit. Rreth 300 reagues të parë ishin në vendngjarje që nga mëngjesi i së enjtes, raporton AP.
