Mëngjesi i kësaj të enjteje ka sjellë lehtësim për mërgimtarët që po hyjnë në Kosovë, pasi pritjet në pikat kufitare janë minimale.
Sipas të dhënave të fundit nga Qendra Kombëtare për Menaxhim Kufitar, në të gjitha pikat kufitare të vendit pritjet nuk po kalojnë 15 minuta. Kjo gjendje e qëndrueshme ka bërë që qarkullimi të zhvillohet pa vonesa të mëdha, përkundër fluksit të shtuar të hyrjeve gjatë sezonit veror.
Autoritetet kufitare kanë konfirmuar se situata është nën kontroll dhe nuk ka kolona të gjata, gjë që po lehtëson ndjeshëm udhëtimin e bashkatdhetarëve drejt Kosovës.
Pritet që fluksi të rritet gjatë fundjavës, ndërsa qytetarët këshillohen të konsultojnë platformën zyrtare të Qendrës Kombëtare për Menaxhim Kufitar për të marrë informacione të përditësuara para se të nisen drejt kufirit.
