Drejtori sportiv i Augsburgut, Stefan Reuter, ka thënë se klubi ende nuk ka pranuar ofertë specifike për sulmuesin shqiptar, Mergim Berisha.
“Kanë qenë qëndrime të qarta se ne do të takoheshim me ata që kanë oferta konkrete. Për momentin nuk ka kërkesa për të. Kështu që Mërgim Berisha do të kthehet në stërvitje me klubin posa ta kompletojë rehabilitimin”, ka thënë Reuter për “Augsburger Allgemeine”.
25-vjeçari Berisha momentalisht po shërohet nga një lëndim në nyjën e këmbës. Augsburgu fillimisht e kishte huazuar nga Fenerbahçe, e më pas e bleu përfundimisht atë.
Qendërsulmuesi shqiptar shënoi nëntë gola në edicionin e fundit në Bundesligë, ndërsa debutoi për Gjermaninë në muajin mars.