Ishte dera e viktimave që pësuan nga një krim i rëndë në vitet 1998-99 gjatë luftës në Kosovë.
Gra dhe burra morën trajtim në Qendrën Kosovare për Rehabilitimin e të Mbijetuarve të Torturës që nga vitit 1999.
Trajtimi i një plage të rëndë si dhunimi, kontribuimi në parandalimin e dhunës seksuale në konflikt, si dhe në arritjen e drejtësisë për të mbijetuarit nuk u la pa u vlerësuar.
Madje, ky angazhim së fundi ra në sytë edhe të deputetit tw Parlamentit suedez, Magnus Jacobsson.
Ai nominoi Feride Rushitin dhe QKMRT-në për çmimin Nobel për Paqe për vitin 2025.
Ky nominim e zuri në befasi Rushitin.
“Ky nominimi me ka ardhur befasi, realisht unë kam takuar me personin që me ka nominuar deputetit suedez, z.Jacobsson, në mënyrë të rastësishme, i cili po vinte në Kosovë, qoftë politikanët dhe aty gjatë një ore kam pas mundësi me shkëmbye përvojën për vështirësitë. Informacionin e kam pranuar nga facebook, me kish ardhur edhe një email krejt vonë, por natyrisht duke qenë e angazhime nuk kam pas mundësi ta shoh”, tha Rushiti.
E rruga deri të marrja e këtij çmimi nuk pritet të jetë e lehtë pasi kërkon lotime të shumta, për këtë Rushiti pret angazhimin edhe të institucioneve në Kosovë.
“Është një proces i ri për neve, është një nominim i ri fare i ri për neve. Ne sot jemi zgjuar me ato emocionet e gëzimit por besoj që institucionet duhet ta luajnë rolin e vet të rëndësishëm sikurse edhe nëpër mekanizma të tjerë. Është edhe fushatë zgjedhore dua të potencojë që kanë prioritetet e veta. Kam pranuar shumë urime dhe përkrahje dhe politikanët kanë shprehur gatishmëri”, tha Rushiti.
Rushiti pret që shteti fqinjë të pengoj rrugën drejt çmimit Nobel për Paqe.
“Me Serbinë ne natyrisht kemi pasur edhe shqetësime të tjera. Më kujtohet edhe libri ‘Unë dua të dëgjohem’ kur është tentuar t’i jepet presidentit serb dhe nuk e ka pranuar, pastaj as publikimi i këtij libri nuk është publikuar për shkak të natyrës edhe tregimeve që përmban ky libër në raport me krimet e luftës. Është e natyrshme reagimi i tyre në këtë fushë për faktin që ata ende nuk i njohin krimet e luftës dhe nuk ka asnjë lëvizje në këtë drejtim”, tha udhëheqësja e QKRMT-së.
QKRMT-ja, u themelua në vitin 1999, e cila si mision kishte ofrimin e trajtimit dhe rehabilitimit të viktimave të torturës në Kosovës.
