Në seancën e sotme në rastin “Banjska” është planifikuar të dëgjohet një dëshmitar, që në procedurë ka statusin e dëshmitarit anonim.
Me këtë rast, prokurori i rastit, Naim Abazi, kërkoi mbyllje të seancës.
“Kërkojmë që kjo seancë e hapur për publikun të mbyllet përkohësisht gjatë administrimit të dëshmisë së dëshmitarit anonim. Përmbajtja e dëshmisë së këtij dëshmitari përfshin rrethanën dhe informacione që në rast të ekspozimit mund të cënojnë sigurinë e tij dhe të procesit gjyqësor dhe mund të ndikojnë negativisht në mbarëvajtjen e procesit gjyqësor”, tha ai.
Kërkesa u aporovua nga Kryetari i trupit gjykues Arben Hoti.
“Trupi gjykues merr këtë aktvendim, aprovohet propozimi i prokurorisë që seanca të kalojë në seancë të mbyllur gjatë dëgjimit të dëshmitarit anonim”, tha ai.
