Vrapuesi amerikan, Noah Lyles ka dëshmuar edhe një herë se është njeriu më i shpejtë në botë në garën e 200 metrave.
Lyles festoi në Kampionatin Botëror në Tokio dhe u bë kampion bote për herë të katërt radhazi.
Amerikani 28-vjeçar vrapoi garën e sotme të 200 metrave me një kohë prej 19.52, duke zënë pozitën e parë.
Ai përfundoi përpara bashkëkombësit të tij, Kenneth Bednarek që pati kohë 19.58 dhe xhamajkanit Bryan Levell (19.64).
Me medaljen e tij të katërt të artë radhazi në botë, Lyles barazoi rekordin e vendosur nga legjenda Usain Bolt.
Bolit ishte fituesi i 200 metrave në kampionatet botërore të viteve 2009, 2011, 2013 dhe 2015, ndërsa Lyles përveç 2025, fitoi edhe në vitet 2019, 2022 dhe 2023.
