Të dielën Shqipëria u përball me një tërmet me magnitudë 5.2 shkallë, por pa dëme të mëdha materiale.
Ky tërmet u ndje edhe në Kosovë.
Por sa janë të sigurta ndërtesat nga termetet që mund ta përfshijnë edhe Kosovën.
Njohësit e fushës konsiderojnë se ndërtimet në vendin tonë grantojnë siguri.
Megjithatë sipas Kryetarit të Shoqatëssë Ndërtuesve të Kosovës, Faton Hoxha, problem mund të jenë objektet e vjetra.
Edhe Inxhinieria e ndërtimit Egla Luca, thekson se ndërtesat janë të projektuara të mund të përballojnë edhe tërmetet katastrofike.
Teksa sa i përket ndërtimeve në Prishtinë, kanë folur edhe nga Drejtoria e Inspekcionit.
Drejtori Florian Dushi përmes një përgjigje elektronike thotë se në masë të madhe respektohen standardet e sigurisë.
“Çoftë në fazën e inspektimit gjatë ndërtimit çoftë gjatë inspektimit final, mund të them që në masë të madhe respektohen, edhe leja por edhe përgjithësisht standardet e sigurisë, por qe nuk e përjashtojmë ndonjë tendencë që të iket nga respektimi i këtyre standardeve por që ato objekte nuk do të mund ta përmbyllin procesin e inspektimit final (pranimit teknik)”, tha Dushi.
E përkundër kësaj, qytetarët shprehin pa siguri në lidhje me punimet në Kosovë.
“A e din pse nuk ndihem të sigurtë? Përfuni banesave janë qel lokale edhe ato kanë rrhmi kanë gërmu”, deklaroi qytetari, Ilmi Rrahmani.
“Cka thojnë qytetarët edhe cka shohin sytë, siguri nuk ka”, theksoi qytetari, Fehmi Lishevci.
“Banesat kolektive sidomos këto që janë bo mas luftës menoj që nuk janë të sigurta sepse nuk janë bo sipas standardeve”, u shpreh qytetari tjetër, Endrit Ethemi.
Shqipëria në vitin 2019 është goditur nga një tërmet i fortë, ku përvec dëmeve matëriale, la të vdekur edhe dhjetra persona.
Kronika e realizuar nga gazetarja Valëza Sylejmani.
