Këtë deklaratë ai e dha në emisionin Ditari në tëvë1, teksa theksoi se kohën e fundit janë duke ndodhur arrestime të shumta të zyrtarëve policorë.
“Ka dyshime serioze për kriminalizimin e policisë. Ju keni parë aktivitete të shumta, arrestime të shumta të zyrtarëve policorë, pastaj kemi shumë ankesa të qytetarëve të Republikës së Kosovës në raport me ndikimin e ushtrimit që bëjnë eprorët policorë”, tha Elezaj.
Më tej, ai tha se para se të ngriten kapacitetet policore duhet të bëhet një auditim i zyrtarëve policorë duke filluar nga veprimet e tyre pasi që ata janë vetë zbatues të ligjit. Sipas njohësit të çështjes së sigurisë, zyrtarët policorë janë ata që më së shumti nuk e përfillin ligjin. Ai madje thotë se një numër i madh i tyre kanë vozitur veturat pa regjistrim.
“Ne i shohim çdo ditë kur minimalisht ata janë njerëzit që vendosin rrypinë e sigurisë, pastaj një numër i madh i zyrtarëve të Policisë së Kosovës kanë vozitur veturat e tyre pa regjistrim duke shfrytëzuar autoritetin policor apo kolegial, më pas kemi pasur ankesa për dhunën që është tepruar në raste të caktuara, ka pasur raste kur zyrtarët policorë kanë përdoru uniformën, kanë përdorur autoritetin zyrtar për të kryer veprime të kundërligjshme”, tha Elezaj.
Tutje duke e komentuar çështjen e sigurisë, Elezaj tha se Policia e Kosovës është e strukturuar mirë teksa theksoi se i mungon aspekti i zbatimit të ligjit.
“Policia e Kosovës realisht është e strukturuar mirë, ka departamente dhe drejtoritë e saj, mund të themi se është e kompletuar, por në aspektin e zbatimit duket që është më keq dhe kujtoj që para se të ngrisim këto kapacitete është mirë të bëjmë një lloj auditimi, ta bëjmë një reformë në polici”, shtoi Elezi./Teve1.info
