Njohësi i dialogut, Visar Xani ka thënë se ekipi negociator i Kosovës është më i papërvojji që nga vitet e 90’ta e deri më sot në aspektin e negociatave me Serbinë.
Sipas Xanit, zëvendëskryeministri i parë i Kosovës për Integrim Evropian, Zhvillim dhe Dialog, Besnik Bislimi mund të jetë profesor i mirë në fushën e ekonomisë, por ai tha se në fushën e negociatave ka shumë taktika dhe metoda të negocimit e cila donë përvojë.
“Kam dilema sa i përket përvojës të dialogimit dhe negociatave. Nëse shohim prej viteve 90’ta dhe deri më sot në ekipin negociator është më papërvojë në aspekt të negociatave sa i përket çështjeve që kanë të bëjnë me Kosovën. Mund të jetë Bislimi shumë një profesor i mirë në fushën e ekonomisë dhe fusha të tjera, por në fushën e negociatave ka shumë taktika dhe metoda të negocimit e cila e do përvojën e vet, e do të njeh aspektin teorik, për shkak që ne e shohim që është një dialog jo shumë parimor dhe jo i drejtë”, ka thënë ai në emisionin “Ditari” në Tëvë1.
Xani thotë se nëse nuk e njeh mirë procesin e negociatave mund të bie pre e lojërave diplomatike dhe politike në aspektin e zhvillimit të negociatave.
“Shpeshherë mund të bie edhe në situata të palakmueshme në aspekt ose në situata të cilat nuk i shkojnë për shtati Kosovës. Nuk janë transparente dhe mund të jenë. Kjo njëfarë mënyre nëse nuk e njeh mirë procesin e negociatave mund të biesh pre e këtyre lojërave diplomatike dhe politike në aspekt të zhvillimit të negociatave”, theksoi ai. /teve1.info/
