Ministri i Punëve të Brendshme Xhelal Sveçla ka njoftuar se nga sot të gjitha patrullat e Policisë së Kosovës do të pajisen me armë të gjata.
Sveçla ka thënë se me blerjen e këtyre armëve, rritet efikasiteti në luftimin e krimit.
“Me blerjen e këtyre armëve për të gjitha patrullat policore anekënd Republikës së Kosovës rritet efikasiteti në luftimin e krimit me çka mundësohet një ambient më i sigurt, rend publik më i qetë dhe më shumë siguri për zyrtarët tanë policorë”, ka shkruar në facebook ai.
Po ashtu ai ka falënderuar Kroacinë për bashkëpunimin me institucionet e Kosovës për blerjen e këtyre armëve./teve1.info/
