Kështu, vitet e fundit, disa nga këta robotë tashmë janë testuar dhe prezantuar në mjedise të botës reale, duke arritur rezultate shumë premtuese.
Në këtë drejtim, shkruajnë mediat e huaja, përcjell Telegrafi, studiuesit në Qendrën e Universitetit Northwestern për Robotikën dhe Biosistemet kanë zhvilluar së fundmi robotë të rinj bashkëpunues, të quajtur Omnid Mocobots.
Këta robotë thuhet se janë krijuar për të bashkëpunuar me njëri-tjetrin dhe me njerëzit për të marrë, trajtuar dhe transportuar në mënyrë të sigurt ngarkesa delikate.
“Qendra për Robotikën dhe Biosistemet ka një histori të gjatë në ndërtimin e robotëve që bashkëpunojnë fizikisht me njerëzit”, ka thënë për TechXplore, Matthew Elwin, një nga studiuesit që kreu studimin.
“Në fakt, termi ‘cobots’ u krijua këtu. Frymëzimi për punën aktuale ishte prodhimi, magazina dhe detyrat e ndërtimit që përfshinin manipulimin e objekteve të mëdha dhe delikate – ku është e dobishme të keni disa robotë që mbështesin objektin”. /Telegrafi/
