Edhe pse kanë mbetur rreth një muaj deri te zgjedhjet lokale, kandidati i Listës Guxo për kryetar të Gjilanit, Ilir Poroshtica, ka vendosur të tërhiqet nga gara.
Ai ka deklaruar se vendimi lidhet me arsye personale. “Pas shumë reflektimesh dhe përgjegjësie qytetare, për arsye personale, tërhiqem nga kandidatura për Kryetar të Komunës së Gjilanit. Falënderoj çdo qytetar që më mbështeti. Si pjesëmarrja në garë, si heqja dorë, janë akt i vetëpërcaktimit. Pavarësisht largimit të shpejtë nga gara, dorëheqjes nga anëtarësia dhe çdo pozicion partiak, do të vazhdoj të kontribuoj në shoqëri, siç kam bërë vazhdimisht. Me shumë keqardhje për votuesit,” ka thënë Poroshtica.
Aktualisht, për kryetar të Gjilanit garojnë edhe: Alban Hyseni nga Vetëvendosje, Riad Rashiti nga PDK, Arbër Ismajli nga LDK dhe Nazim Gagica nga AAK.
