I gjithë objekti këtu në fshatin Kërpimeh të Podujevës, u kaplua nga zjarri, ku si pasojë flaka përfshiu gjithë këtë fabrikë të kërpudhave.
U dogjën edhe flamujt të cilët ishin vendosur për rreth.
Pronari i këtij biznesi nuk pranoi deklarohet për medie.
Brenda fabrikës e cila është edhe si pikë për grumbullimin e mjedrave, u dogj gjithçka.
Banorët thanë se në të kanë punuar mbi 150 punëtorë.
E njëri nga fshatarët, tha për Tëvë1 se ishte brenda fabrikës kur filloi zjarri.
Ai pësoi edhe lëndime gjatë tentimit për ta fikur zjarrin.
“Ksajde kemi qenë kemi ardhë për të shpëtuar sa më shumë sene, kapak tymin, kapak flakën,. Po shihet dëmi sa është bërë, çatia ka rënë në tokë. Ka filluar tym i zi, derisa kemi ardhë na e ka përfshi flaka, zjarri ka filluar nga brenda”, tha ai.
“Ngapak do djegie i kom nga zjarri, por jo, nuk është telashe, na lutën me marrë por nuk pranova”
E dikush thotë që krahas përpjekjes për ta shuar zjarrin një gjë e tillë ishte e pamundur.
“Unë si e kom pa zjarrin, kom ardhë kemi tentuar me fikë zjarrin me ujë, e qitka rryma, ndoshta e kapi rrymën, edhe më nuk pati mundësi as me ujë as me kurgjo, deri i kemi thirr zjarrfikësit, erdhën policia. Jo vec tymi i zi, i kemi ndihmua ngapak por jo.”
Nga zjarri mbeti i lënduar edhe një zjarrfikës.
“ Lajmin për zjarrin e kemi marrë në ora 10:50 lidhur me shkaktimin e zjarrit, janë duke u marrë organet përkatëse. Një qytetar dhe një zjarrfikës kanë pak djegie të dorës, djegie të shkallës së lehtë”, Milaim Avazi – Komandant i zjarrfikësve në Podujevë.
Policia tashmë ka filluar hetimet për rastin.
“Sot rreth orës 11:00, kemi pranuar informatën për një incident zjarri në një fabrikë në fshatin Kërpimeh të Podujevës. Në vendngjarje janë zjarrfikësit dhe policia të cilët po merren me rastin.
Për detaje njoftoheni me kohë”, thuhet nga Policia.
Hetuesit policor mblodhën dëshmitë e mbetura në vendin e ngjarjes.
Zjarri u shua, e tymi vazhdoi t’i dilte objektit të shkrumbuar.
