Një makinë që dyshohet se ishte me targa të Kosovës është përmbysur në lumin Lepenc, përkatësisht afër tunelit në rrugën Shkup-Bllacë.
Ministria e Brendshme e Maqedonisë së Veriut ka njoftuar se një person është shpëtuar, ndërsa tre pasagjerët tjerë janë ende në kërkim.
“Sot rreth orës 15:00 është raportuar se në aksin rrugor Shkup-GP ‘Bllacë’ ka ndodhur një aksident trafiku ku është përfshirë një veturë Volkswagen me targa të Shkupit, e drejtuar nga B.B. nga Shkupi dhe një veturë BMW me targa të Kosovës, e drejtuar nga H.P. nga Kosova, e cila pas aksidentit ra në lumin Lepenec. Në BMW përveç shoferit ndodheshin edhe tre pasagjerë. Një person është nxjerrë nga lumi dhe është transferuar në spitalin “8 Shtatori”, ndërsa për tre të tjerët janë në vazhdim e sipër”, shton policia, thuhet në njoftimin e MPB-së.
Ekipet e policisë dhe ato të kërkim shpëtimit janë prej orësh në terren duke kërkuar makinën por pa sukses deri tani.
Në kërkim janë përfshirë edhe vullnetarë që kanë ofruar ndihmë fizike dhe monitorim me dronë.
Kërkimin e ka vështirësuar niveli i lartë i ujit si pasojë e reshjeve të fundit./AM/
