Videot e organizimit të kontejnerëve në qilar, rrobat dhe sendet e tjera që përdorim çdo ditë në shtëpinë tonë janë një hit në TikTok.
Kjo mund të jetë edhe një nga arsyet pse shumë në këtë rrjet janë “çmendur” pas një frigoriferi të viteve 1950 që nuk prodhohet më.
Një video bardhezi e një reklame të vjetër me një frigorifer u shpërnda në TikTok dhe faqosja e brendshme është ajo që emocionoi shumë.
ruaja në video fillimisht tregon raftin në pjesën e brendshme të derës, i cili ka një seksion për shishet dhe dy sirtarë të vegjël për djathërat dhe gjalpin.
Poshtë ka një enë për perimet që mund të ndahen plotësisht për ta bërë larjen dhe vendosjen e frutave dhe perimeve në frigorifer të thjeshtë dhe praktike.
Pjesa e brendshme e frigoriferit ka rreth pesë “rafte të mëdhenj të fortë” që rrotullohen gjatë gjithë rrugës për t’ju ndihmuar të arrini gjërat në pjesën e pasme.
Pastaj është ngrirësi, i cili ka një ndarje të vogël për kube akulli dhe një mënyrë të përshtatshme për t’i hequr ato nga sirtari.
Shumë komentuan se “është turp që nuk prodhohen më këto lloj modelesh”. /telegrafi
