Një person është arrestuar në fshatin Bibaj në Ferizaj, pasi që kishte goditur dhe lënduar një zyrtar policor gjatë tentimit për ikje.
Polici ka pranuar tretman mjekësor, ndërsa i dyshuari me vendim të prokurorit është dërguar në mbajtje.
“Është arrestuar i dyshuari mashkull kosovar pasi që i njëjti nuk i është ndalur zyrtarit policor, ku gjatë tentimit të t’u larguar ka lënduar të njëjtin për çka i njëjti ka pranuar tretman mjekësor. Me vendim të prokurorit, pas intervistimit i dyshuari është dërguar në mbajtje”, ka njoftuar Policia.
Ndërsa, në Suharekë dy dyshuar kanë kanosur dhe penguar zyrtarët policorë.
“Raportohet se dy të dyshuarit meshkuj kosovarë kanë kanosur dhe penguar zyrtarët policor. Me vendim të prokurorit, pas intervistimi palët janë liruar dhe rasti shkon në procedurë të rregullt”, thuhet në raportin 24-orësh.
