Një zyrtar policor është arrestuar dhe suspenduar nga Inspektorati Policor i Kosovës (IPK), pasi që i njëjti dyshohet se ka kryer veprën penale “Dhunë në familje”.
IPK ka pranuar informata nga Policia e Kosovës, lidhur me dyshimet se zyrtari policor në Podujevë, ka ushtruar dhunë në familje.
“Pas disa veprimeve fillestare hetimore është konsultuar edhe prokurori kompetent dhe zyrtarit policor me vendim të prokurorit i është caktuar masa e ndalimit për 48 orë. Lidhur me rastin e njëjtë, si pjesë e procedurave administrative dhe hetimore, zyrtari policor është suspenduar”, thuhet në njoftimin e IPK-së.
Tutje, në njoftim thuhet se hetuesit IPK-së në koordinim me Prokurorinë do të vazhdojnë të ndërmarrin veprime të tjera hetimore drejt ndriçimit të plotë të të gjitha rrethanave që ndërlidhen me këtë rast./teve1.info
