Një këmbësore është shkelur nga një veturë sot në Veternik të Prishtinës.
Lajmi për teve1.info është konfirmuar nga zëdhënësi i policisë, Agron Borovci, i cili tha se e njëjta është dërguar në QKUK pas lëndimeve të marruara.
“Rreth orës 15:00, është pranuar informata për një aksident trafiku rrugor të ndodhur në rrugën magjistrale Prishtinë-Ferizaj, respektivisht në Veternik, të komunës së Prishtinës. Nga informatat e para bëhet e ditur se një veturë ka përplasur një këmbësore që po kalonte rrugën në atë moment. Këmbësorja ka pësuar lëndime dhe e njëjta është dërguar në QKUK për trajtimin e nevojshëm mjekësor”.
Tutje ai tha se policia ka dalë në vendin e ngjarjes dhe po ndërmerr masat e nevojshme për lehtësimin e qarkullimit rrugor si dhe ka nisur punën për hetimin e shkaqeve që kanë sjellë deri te aksidenti.
