Një person është gjetur pa shenja jete më 25 gusht 2025 në fshatin Gllamnik të Podujevës. Lajmin e ka konfirmuar për Tëvë1 zëdhënësja e Policisë për Rajonin e Prishtinës, Flora Ahmeti.
“Sot në stacionin policor të Podujevës është iniciuar një rast ‘Hetim mbi vdekjen’. Rasti ka ndodhur në fshatin Gllamnik, ku është gjetur pa shenja jete viktima mashkull. Vdekjen e viktimës e ka konstatuar ekipi mjekësor në vendin e ngjarjes,” ka deklaruar Ahmeti.
Ajo ka shtuar se rasti është duke u hetuar nga njësitet kompetente të Policisë, në bashkëpunim me Prokurorinë, për të përcaktuar shkaqet dhe rrethanat e vdekjes së viktimës.
