Një burrë dyshohet se është vetplagosur me armë në këmbë të martën në Rahovec.
Sipas raportit policor, njësitë policore kanë dalë në vendin e ngjarjes dhe gjatë kontrollit kanë gjetur dhe sekuestruar dy pistoleta (njëra me gas), një karikator pa fishekë, një karikator me dy fishekë me gas, një gëzhojë, katër thika dhe një shufër metalike.
Policia ka bërë të ditur se i dyshuari është në trajtimin mjekësor dhe rasti është në konsultim me prokurorin.
“Rr. Sadedin Hajda, Rahovec / 06.01.2026 – 15:30. Një mashkull kosovar ka kërkuar trajtim mjekësor në QKMF pasi i njëjti dyshohet se ishte vet plagosur me armë në këmbë. Njësitë policore kanë dalë në vendin e ngjarjes dhe gjatë kontrollit kanë gjetur dhe sekuestruar dy pistoleta (njëra me gas), një karikator pa fishekë, një karikator me dy fishekë me gas, një gëzhojë, katër thika dhe një shufër metalike. Në konsultim me prokurorin është inicuar rasti dhe procedohet në procedurë të rregullt, ndërsa i dyshuari vazhdon trajtimin mjekësor”, thuhet në raportin policor./teve1.info/
