Është arrestuar një person nga Policia e Kosovës me 1 vit e 15 ditë burgim, pasi që i njëjti dyshohet për veprën penale “Vjedhje e rëndë”.
Sh.K., kishte qenë në kërkim policor në bazë të urdhër arresteve të lëshuara nga Gjykata Themelore në Prizren.
Policia thotë se sot, familjarët kanë informuar se i kërkuari është në shtëpi dhe se do ta dorëzojnë në Polici.
“Patrullat policore nga Njësiti Reagues Kujdestar ia janë përgjigjur thirrjes dhe e kanë arrestuar personin e kërkuar, i cili fillimisht është dërguar në Stacionin Policor në Prizren, më pas i njëjti dërgohet në Emergjencën e Spitalit të Prizrenit për kontroll mjekësor”, thuhet në njoftimin e Policisë.
Ndërkaq, pasi që janë përfunduar procedurat ligjore i arrestuar është dërguar në burgun e Prishtinës në vuajtje të dënimit.
