Philippe Lazzarini, kreu i agjencisë së OKB-së për refugjatët palestinezë (UNRWA), ka paralajmëruar kundër planit të fundit të zhvendosjes masive me forcë nga Izraeli për të grumbulluar njerëzit në kampe mbi rrënojat e Rafah.
“Kjo de facto do të krijonte kampe masive përqendrimi në kufirin me Egjiptin për palestinezët, të zhvendosur vazhdimisht nga breza në brez”, tha ai në një postim me titullin “Një Nakba e dytë?”
“Kjo gjithashtu do t’i privonte palestinezët nga çdo perspektivë për një të ardhme më të mirë në atdheun e tyre.”
Lazzarini tha se njerëzit nuk mund të qëndrojnë “të heshtur dhe bashkëfajtor për zhvendosje të detyruar në shkallë të gjerë” dhe përsëriti thirrjen e tij për një armëpushim të menjëhershëm në Gaza.
Nakba, ose katastrofa, i referohet spastrimit etnik të Palestinës në vitin 1948./Al Jazeera/
