Një muaj paraburgim i është caktuar të arrestuarit për vrasjen e Enver Bajraktarit në fshatin Baicë të Lipjanit.
Prokuroria ka kërkuar caktimin e kësaj mase dhe ajo është vendosur nga Gjykata në seancën e mbajtur sot.
Kështu bëri të ditur për teve1.info, zëdhënësja e Prokurorisë Themelore në Prishtinë, Kaltrina Shala.
“Ju njoftojmë se prokurori i shtetit ka parashtruar kërkesën për caktimin e masës se paraburgimit, është mbajtur seanca dhe te pandehurit T.K., i është caktuar masa e paraburgimit për vrasjen e rendë në Lipjan”, tha Shala.
Personi në fjalë është arrestuar dje nën dyshimin për përfshirje në vrasjen e rëndë që ka ndodhur në Baicë të Lipjanit. Ai pranoi fajësinë për vrasjen si dhe fshehjen e kufomës në një arë të fshatit Baicë. /teve1.info/
