Gjykata Themelore në Prizren, të mërkurën ka aprovuar kërkesën e Prokurorisë Themelore në Prizren, duke ia caktuar masën e paraburgimit në kohëzgjatje prej 30 ditësh të dyshuarit Bujar Seferaj, i cili në cilësinë e pronarit të kompanisë “Seferi – CO” SH.P.K, po dyshohet se bashkë me Enver Shabanin, drejtor i Shërbimeve Publike në Suharekë dhe Berat Kabashin, zyrtar i Komunës së Suharekës, dyshohen se i kanë shkaktuar mbi 74 mijë euro dëm komunës përmes keqpërdorimit me tenderin e rrugës në Mushtisht.
Sipas vendimit të siguruar nga “Betimi për Drejtësi”, të dyshuarit Seferaj masa e paraburgimit do t’i llogaritet nga 28 gushti 2023 deri më 28 shtator 2023.
Seferaj po dyshohet për veprën penale “Keqpërdorimi dhe mashtrimi në prokurim publik” nga neni 415, par.3 lidhur me par. 2 të Kodit Penal të Republikës së Kosovës.
Sipas vendimit të Gjykatës, Seferaj po dyshohet se prej 17 majit 2022 deri më 12 dhjetor 2022, në fshatin Mushtisht, Komuna e Suharekës, duke vepruar si pronar dhe përfaqësues i autorizuar i kompanisë “Seferi – CO” SH.P.K, me dashje shkel procedurat dhe rregullat e prokurimit publik dhe nuk zbaton detyrimet që dalin nga kontrata e prokurimit publik, me qëllim të përfitimit të dobisë pasurore për vete, duke nënshkruar kontratën me numër të prokurimit 624-22-1007-5-2-1/C797 sipas titullit të kontratës “ndërtimi i rrugëve”.
Vendimi thotë se i njëjti në bashkëveprim me personat zyrtarë të Komunës së Suharekës, ku menaxheri i kontratës Berat Kabashi përpilon procesverbale, situacione fiktive si dhe raporte fiktive në kryerjen e punëve, ashtu që përmes kompanisë së të pandehurit Seferaj lëshon faturën e 22 korrikut 2022, në vlerë prej 70 mijë euro dhe faturën e 8 dhjetorit 2022 në vlerë prej 2 mijë e 213 euro e 17 centë për realizimin e punëve, kështu vazhdon bashkëpunimi me zyrtarët komunal, përpilojnë raportin e pranimit teknik kinse janë realizuar punimet sipas pranimit kontratës përderisa gjendja në terren ka qenë e parealizuar.
Për këto veprime, Seferaj po dyshohet si ka shkaktuar Komunës së Suharekës dëm në shumën prej 72 mijë e 214 euro e 74 centë.
Ndryshe, Shabani dhe Kabashi ishin arrestuar më 22 gusht, ndërsa Gjykata Themelore në Prizren, më 24 gusht ka aprovuar kërkesën e Prokurorisë Themelore në Prizren, duke ua caktuar masën e paraburgimit në kohëzgjatje prej 30 ditësh (secilit veç e veç).
Ndryshe mediumi kishte siguruar aktvendimin për fillimin e hetimeve, të cilin Prokuroria Themelore në Prizren, Departamenti i Krimeve të Rënda e kishte marrë ndaj Shabanitdhe Kabashit, ku sipas këtij vendimi, të njëtit prej 18 maj 2022 deri më 12 dhjetor 2022, në Suharekë në cilësi të personavezyrtarë dhe atë Berat Kabashi në cilësinë e menaxherit tëkontratës dhe Enver Shabani në cilësinë e mbikëqyrësit tëdrejtpërdrejtë të menaxherit të kontratës, duke shfrytëzuardetyrën apo autoritetin e tyre zyrtar nuk i përmbushin detyratzyrtare të tyre me qëllim që të përfitojnë çfarëdo dobie për vetedhe për personat tjerë, të njëjtit me dashje shkelin ligjin e Prokurimit Publik.
Sipas vendimit, Shabani dhe Kabashi me dashje nuk kanë kryerdetyrat e domosdoshme të përcaktuar me ligj, në atë mënyrë qëme vendimin 01-Nr.016-29186 të datës 18.05.2022 të lëshuarnga Kryetari i Komunës së Suharekës caktohen në menaxhimine kontratës me numër prokurimi 624-22-1007-5-2-1 dhe 624-22-016-521 me titullin e kontratës “ndërtimi i rrugëve: “RexhepiVelia-me segment”, “Molika”, “Shaljanët – segment”, “Kovaçi”, “Tafa”, “Jetush Shala” dhe “Haxhi Shania”, në fshatinMushtisht”, mirëpo nga informatat e siguruara dhe verifikimit tëtë njëjtave është konstatuar se të hollat janë paguar për Operatorin Ekonomik mirëpo rrugët nuk janë shtruar siçparashihet në kontratë.
Për këto veprime, në vendim thuhet se të njëjtit Komunës sëSuharekës i kanë shkaktuar dëm në shumën prej 74 mijë e 214 euro e 74 cent.
