Gjykata Themelore në Prishtinë ka vendosur një muaj paraburgim për të dyshuarin A.N., pasi që i njëjti dyshohet se ka kryer veprën penale “Vrasje në tentativë”.
A.N., më 5 maj, dyshohet se ka goditur me thikë në kokë dajën e tij, i cili kishte refuzuar të konsumonte drogë dhe të kryente marrëdhënie seksuale.
“Ekziston dyshimi i bazuar se i pandehuri A.N, e kishte ftuar viktimën në banesën e tij në Fushë-Kosovë dhe nga i njëjti kishte kërkuar që të konsumoj substanca narkotike dhe të ketë marrëdhënjë seksuale dhe pasi viktima kishte refuzuar, i pandehuri e kishte sulmuar me thikë në kokë duke i shkaktuar plagë shpuese dhe prerëse”, thuhet në vendimin e gjykatës.
Gjykata vlerëson se janë plotësuar kushtet për caktimin e paraburgimit, duke marrë për bazë peshën e veprës penale si dhe mënyrën dhe rrethanat në të cilat dyshohet se është kryer vepra penale.
Kundër këtij aktvendimi, palët e pakënaqura kanë të drejtë ankese në Gjykatën e Apelit, përmes Gjykatës Themelore në Prishtinë.
