Gjykata Themelore në Prishtinë i ka caktuar një muaj paraburgim, Millosh Delleviq i arrestuar si i dyshuar për sulmin në kanalit e Ibër- Lepencit të premten.
Këtë e ka bërë të ditur avokati i tij pas përfundimit të seancës gjyqësore që u mbajt të dielën, raporton Tëvë1.
“Ai dyshohet se ka bërë vepra të rënda penale. Më saktë që ka dëmtuar kanalin Ibër-Lepenc. Mirëpo, fakti që dikujt i janë gjetur çizme të lagështa dhe të zhytura në shtëpi dhe armë, nuk mund të jetë dëshmi e mjaftueshme, që të dyshohet si fajtor për këto vepra të rënda penale. Ai ka qenë në vend krejt tjetër në atë çast. Aty ka pasur shumë dëshmitarë. Besoj që gjatë hetimeve do të dëshmohet pafajësia e tij. Shumë faleminderit,kaq mund të them për tash. Ai ka mohuar fajësinë. E përsëris, ai thotë se ka qenë në tjetër vend në çast. Po, atij i është përcaktuar paraburgim deri në 30 ditë. Po, do të parashtroj ankesë brenda afatit ligjor”, ka thënë avokati.
Policia ka njoftuar të shtunën se tetë persona janë arrestuar për këtë rast si dhe ka konfiskuar armë dhe pajisje ushtarake.
Masa e paraburgimit është konfirmuar për Tëvë1 edhe Mirlind Gashi, zëdhënëse e Gjykatës Themelore.
