Sipas njoftimit të kësaj gjykate, të pandehurit e kanë detyruar viktimën që të konsumojnë pije alkoolike dhe substanca narkotike, derisa e kanë sjellur në situatë pavetëdije dhe të njëjtës, njëri nga ta e ka goditur me mjet të fortë në kokë.
“Në periudhën kohore 16 dhe 17 qershor 2022 në orë të pacaktuar, të pandehurit së bashku e detyrojnë viktimën – të dëmtuarën për të kryer akt seksual pa pëlqimin e saj, në atë mënyrë që e shoqërojnë në një shtëpi e detyrojnë që të konsumon pije alkoolike dhe substanca narkotike e sjellin në situatë pa vetëdije me ç‘rast i pandehuri T. e godet me një mjet të fortë në kokë dhe kryejnë marrëdhënie seksuale me viktimën”, thuhet në njoftim.
Masa e paraburgimit do t’i llogaritet të pandehurve që prej datës së arrestimit (23 qershor). /teve1.info/
